Yusif Abdullayev mikrofinans və maliyyə xidmətləri sahəsində geniş idarəetmə təcrübəsinə malik menecerdir. O, hazırda mikro və kiçik sahibkarlığın maliyyələşdirilməsi üzrə fəaliyyət göstərən Monetri BOKT MMC təşkilatında rəhbər vəzifədə çalışır.
Onun peşəkar təcrübəsi kredit portfelinin idarə olunması, satış strategiyalarının qurulması və idarə olunması, risklərin optimallaşdırılması və strateji planlaşdırma sahələrini əhatə edir. Yusif Abdullayev həmçinin Anti-Money Laundering (AML) üzrə uyğunluq mexanizmlərinin tətbiqi və maliyyə institutlarının böhran şəraitində effektiv idarə olunması sahəsində praktiki təcrübəyə malikdir.
Peşəkar fəaliyyəti çərçivəsində mikro və kiçik sahibkarların maliyyə resurslarına çıxışının genişləndirilməsi, mikrofinans institutlarının dayanıqlı inkişafının təmin edilməsi və sektor iştirakçıları arasında əməkdaşlığın gücləndirilməsi istiqamətlərində çalışır. Bu məqsədlərlə Azərbaycan Mikromaliyyə Assosiasiyası çərçivəsində aktiv və konstruktiv töhfə verməyi hədəfləyir.